Lay chala mujhay bhi paharoon mai shauq-e-tasawuf,
Markaz-e-khayal bana phir wohi aaiena,
Dekha tha jis mai ek wajood,
Kuch khoya khoya sa,
Kuch toota sa, Kuch jura sa,
Kuch chupa sa, Kuch numayan sa,
dhoondta hua jawab kuch sawalon ka,

Ulajhta sulajhta, Soochon mai lipta,
Bhagta rukta, Khawaboon say khelta,
Hawa mai Urta, Zameen par girta,
Lehron ko sunta, waadiyon mai basta,
Koun hoon main, kuyn ho aaya,
Koun hai parchaaye, Kis ka hoon saya,
Dhoondnay jawab inhi sawalon ka,
Lay chala mujhay bhi paharoon mai shauq-e-tasawuf,
Markaz-e-khayal bana phir wohi aaiena.

Advertisements