khud ko kho kar,khud ko paanay ki talaash
zinda ho kar bhi, zindagi ki talaash
fursat kai lamhoon mai, masroofyat ki talaash
aur masroofyat mai, kuch fursat ki gharyoon ki talaash
fursat agar mil bhi jaye tou, us mai sukoon ki talaash
ibteda-e-safar mai, raastoon ki talaash
raastay mil janay par, sahi rastay ki talaash
aur phir sahi rastay par, manzil ki talaash
behtay darya ki manind zindagi mai, ek waqfay ki talaash
waqfa milnay par, toot tay jurtay rishtoon ki talaash
rishtay mil jain tou, in mai apnayat ki talaash
aur phir us apnayat mai, sachay khuloos ki talaash
waqt ki qaid mai, guzartay waqt ki talaash
aur uss guzartay waqt mai, guzray lamhoon ki talaash
Aur phir un guzray lamhoon main,
Khud ko kho kar, khud ko panay ki talaash


Advertisements